Yeni Azərbaycan Partiyasının (YAP) icra katibinin müavini Siyavuş Novruzov partiyanın seçkiqabağı 40-dan çox mitinq keçirəcəyini deyib. APA-nın məlumatına görə, S.Novruzov deyib ki, YAP qanunvericiliyə əsasən əhaliyə təbliğat xarakterli materiallar paylayacaq:
Bundan başqa, sosial şəbəkələrdə təbliğat-təşviqatla bağlı kampaniyalara start verəcəyik. Yeni saytda təbliğat imkanları genişdir. Buradan namizədimiz, cənab prezident İlham Əliyevin fəaliyyəti barədə istənilən məlumatı bölüşmək olar.
Partiya həmçinin 11 aprel prezident seçkiləri ilə əlaqədar yaradılmış www.ilhamaliyev2018.az saytının təqdimatını da keçirib. Siyavuş Novruzov bildirib ki, Seçki Məcəlləsinə uyğun olaraq bu gündən etibarən təbliğat-təşviqat kampaniyası başlayır:
“Bu təbliğat üsullarından biri də yeni internet saytının yaradılmasıdır”.
Saytda prezident İlham Əliyevin fəaliyyəti, daxili və xarici siyasətini əks etdirən məlumatlar yerləşdirilib.
