Bu gün Türkmənistanda Parlament seçkiləri keçirilir. Üç partiyanın və müstəqil namizədlərin iştirak etdiyi seçkidə bütün namizədlər qazla zəngin ölkənin lideri Qurbanqulu Berdimuhammədova sadiqdirlər. Reuters İnformasiya Agentliyi xəbər verir ki, deputatlığa namizədlərdən biri Sərdar Bərdimuhammədov xalqın “Arkadağ” adlandırdığı və 60 yaşlı liderin oğludur. Müşahidaçilər həm də hesab edir ki, Sərdar Berdimuhəmmədov atasının varisi olacaq.
Səsvermə məntəqələrində seçicilər milli musiqi və rəqslər, eləcə də çərəzlərlə qarşılanır. Seçicilər deyir ki, onlar seçkini milli bayram kimi keçirirlər.
“Seçki bizim üçün bayramdır, çünki o bizə sülh, əmin-amanlıq, sabitlik gətirir” – deyə Aşqabat yaxınlığındakı seçi məntəqəsinin sədri, 26 yaşlı Maskat Muratdyrdyev bildirib.
Rəsmi məlumatlara görə, səsvermə başlayandan sonra iki saat ərzində qeydiyyatda olan seçicilərin artıq dörddə biri səs verib.
Buna baxmayaraq hamı ölkədəki vəziyyətdən məmnun deyil.
“Mənim yemək aparmalı olduğum 3 uşağım var. Qaz qiyməti artıb deyə ölkədə hər şey bahalaşıb” – deyə 36 yaşlı taksi sürücüsü Mergen bildirib.
Hazırda qaz ixracatının azalmasına görə milli valyutanın düşməkdə olduğu və keçmiş Sovet ölkəsi olan Türkmənistanda müxalifət partiyası yoxdur.
125 mandat uğrunda 284 namizəd mübarizə aparır, hansı ki, onların parlamentdə əsas işi hökumətin hazırladığı qanun layihələrini təsdiqləməkdir.
