Rusiyanın Sibir vilayətinin Kemerovo şəhərində baş verən yanğında ölənlərin 41-i uşaqdır. “Zimnaya Vişnya” adlı ticarət mərkəzində olan yanğın binanın kinoteatr və uşaq əyləncə mərkəzləri yerləşən 4-cü mərtəbəsində başlayıb. Son məlumatlara görə ölənlərin sayı 64 nəfər çatıb. Yaralanan 44 nəfərdən 10-u hələ də xəstəxanadadır.
Hadisə nəticəsində itkin düşənlər də var ki, onlardan da 10-u uşaqdır.
660 yanğınsöndürən və xilasedicilər 17 saat ərzində yanğının qarşısını almağa nail olub. Hadisədən sonra yanğın başlayan mağazada olan kirayəşin və ticarət mərkəzinin sahibi də daxil olmaqla 4 nəfər saxlanılıb.
