Azərbaycanlı rejissorun çəkdiyi “Kiçik araba” filmi Portuqaliyada keçirilən festivalda qalibi olub

Azərbaycanlı rejissor Arif İsmayılovun çəkdiyi “Kiçik araba” filmi Portuqaliyada keçirilən “Super 9” film festivalının “ən yaxşı bədii film” nominasiyasının qalibi olub. Film müasir şəhərin küçələrində yaşayan gənc oğlan və atasının həyatı haqqındadır. Anası xəstəxanada vəfat edəndən sonra atasının da onu tərk etməsi oğlanı əzab və kədərə düçar edir. Amma gənc sağ qalmalı və öz həyatı haqqında qərar verməlidir.

Arif İsmayılov Şəkidə yaşayan azərbaycanlı rejissor, prodüsser və ssenaristdir. Məzun olduqdan sonra regional tv-də işləməyə başlayıb və film departamentinə direktor təyin olunub. O, 20-dən çox yerli və beynəlxalq film festivallarına qatılıb, onların arasında “International Short Film Festival”, “River film festival”, “EuroFilm Festival”, “International Open film festival” da var. Bu festivallarda o, müxtəlif mükafatlar qazanıb.

Şərhini yaz

Şərhinizi yazın
Adınızı daxil edin