Həbsdə olan araşdırmaçı jurnalist Əfqan Muxtarlının səhhətində ciddi problemlər yaranıb.Bu barədə onun xanımı Leyla Mustafayevaya məlumat verib. Əfqan Muxtarlı ürəyində və ciyərində olan kəskin ağrılardan əziyyət çəkir.
“Basta” yazır ki, jurnalistin vəkili Nemət Kərimli bu gün məsələ ilə bağlı Ədliyyə Nazirliyinin Tibb Baş İdarəsinə müraciət edib.
“Bir həftə əvvəl Əfqan Muxtarlı rentgen müayinəsində keçib və həkim bildirib ki, onun ciyərində ləkə var. Bu gün İdarənin rəsi müavininin qəbulunda oldum və xahiş etdim ki, Əfqan Muxtarlı səhhətində olan problemlərlə bağlı ixtisaslaşmış həkim müayinəsindən keçirilsin. İdarədən söz verildi ki, bununla bağlı tədbir görüb məlumat verəcəklər”.
- Jurnalist Ə.Muxtarlı ötən il mayın 29-u Gürcüstandan zorla Azərbaycana gətirilərək həbs edilib.
- O, hakimiyyət nümayəndəsinə müqavimət etmə, sərhədi qanunsuz keçmə və qaçaqmalçılığa görə də ittiham irəli sürülüb.
- Bu ilin yanvarında jurnalist barəsində 6 il həbs cəzası qəbul edilib.Əfqan Muxtarlı ittihamları rədd edərək, həbsini “siyasi sifariş” adlandırıb.
- Beynəlxalq təşkilatlar jurnalisti vicdan məhbusu elan edib.
