Bakı Konqres Mərkəzində “Davamlı inkişaf naminə beynəlxalq sülh və təhlükəsizliyin təşviq edilməsi” mövzusunda Qoşulmama Hərəkatının nazirlər konfransının açılış mərasimi keçirilir. Nazirlər Konfransında Azərbaycan prezidenti İlham Əliyevlə yanaşı Qoşulmama Hərəkatında iştirak edən, həmçinin hərəkat yanında müşahidəçi statusu almış dövlətlərin və beynəlxalq təşkilatların nümayəndələri, xüsusi qonaq qismində dəvət olunan ölkə və təşkilatların təmsilçiləri olmaqla ümumilikdə 800-dən artıq şəxs iştirak edir.
- İlham Əliyevin nitqindən sonra konfransa sədr seçkisi baş tutub və Azərbaycan xarici işlər naziri Elmar Məmmədyarov sədr seçilib.
- Nazirlər konfransı iki gün davam edəcək.
