MSK sədrinin müavini Natiq Məmmədov seçkilərdə pozuntuların qeydə alınması ilə bağlı yayılan məlumatların həqiqəti əks etdirmədiyini bildirib.
“Çox təəssüflər olsun ki, bəzi meyllər hiss olunmaqdadır. Sosial şəbəkələrin imkanlarından istifadə edən bəzi qüvvələr seçki prosesinə kölgə salmaq yolunu tutublar. Bu mövqelərin arxasında heç bir fakt durmur. Tamamilə yanlış və uydurmadır” – deyə Natiq Məmmədov bildirib.
Turan Agentliyi xəbər verir ki, N.Məmmədov seçkilərin gedişatı ilə bağlı hələlik rəsmi şiakyətin olmadığını vurğulayıb.
“Əldə edilən məlumatlarımız onu deməyə əsas verir ki, kifayət qədər qanuna uyğun seçki mühiti, rəvan mühit var. İnsanların seçkidə iştirak edib öz rəyini ifadə etməsi üçün hər cür şərait var” – deyə MSK rəsmisi əlavə edib.
