Solsberidə mühafizə geyimində yaxınlığındakı parkda maşınları uzaqlaşdıran hərbçilər. Foto: EPA
Böyük Britaniyanın milli təhlükəsizlik orqanları Rusiyanın agenti Sergey Skripalı 5 il ərzində qapı tutacağı vasitəsilə əsəb-sinir iflici qazı ilə necə zəhərlədiyini araşdırıb. Milli təhlükəsizlik üzrə müşavir Mark Sedvill NATO baş katibi Yens Stoltenberqə yazdığı məktubunda vurğulayıb ki, Rusiya xüsusi xidmət orqanları agentin zəhərlənməsində hələ 2013-cü ildən “maraqlanmağa” başlayıblar.
“Idependent”in xəbərinə görə, Britaniyaya sirr ötürən Skripalın mail ünvanı da kiber hücumlara məruz qalıb.
Kimyəvi Silahın Qadağan Olunması Təşkilatının müstəqil araşdırmasına görə agent və qızı Yuliya Skripal “Noviçok” adlı əsəb-iflic qazı ilə zəhərlənib.
Mark Sendvill bildirib ki, Rusiya son on illikdə eyni proqram altında çoxlu sayda “noviçok”lar istehsal edib. Sergey Skripal və qızı Yuliya Skripal martın 4-də evlərinin qarşısında zəhərlənmiş jhalda tapılıb. Hadisə böyük əks-səda doğurub və bundan sonra ilk olaraq İngiltərə 23 rus diplomatını, daha sonra isə digər Avropa ölkələri və ABŞ ümumilikdə 100-dən çox rus diplomatı ölkəsindən çıxarıb.
Hazırda Yuliya Skripalın vəziyyəti yaxşılaşıb və o, xəstəxanadan evə buraxılıb. Vəziyyəti əvvəlkinə nisbətən yaxşılaşan Sergey Skripal isə xəstəxanadan çıxarılaraq daha təhlükəsiz yerə aparılıb.
