Konstitusiya məhkəməsinin bugünkü iclası. Foto: Azərtac
Bu gün Konstitusiya Məhkəməsi Plenumunun iclasında prezident seçkilərinin yekunları təsdiq edilib və rəsmən elan olunub. Fərhad Abdullayevin sədrliyi ilə keçirilən iclasda aprelin 11-də keçirilən növbədənkənar prezident seçkilərinin nəticələrinə dair materiallara baxılıb.
Ekspertlərin rəyləri dinləndikdən sonra hakim Fərhad Abdullayev qərarı oxuyub. Qərarda deyilir ki, MSK-nın prezident seçkilərinin nəticələrinə dair təqdim etdiyi protokol təsdiq edilsin və prezidentliyə namizəd Əliyev İlham Heydər oğlu Azərbaycan Respublikasının Prezidenti seçilmiş elan edilsin.
Konstitusiya Məhkəməsinin bu qərarı elan olunduğu gündən qüvvəyə minir, qətidir, heç bir orqan və ya vəzifəli şəxs tərəfindən ləğv edilə, dəyişdirilə, yaxud rəsmi təfsir edilə bilməz.
Konstitusiyanın 103-cü maddəsinə görə Konstitusiya Məhkəməsi seçkilərin nəticələrini rəsmi elan etdikdən sonra 3 gün ərzində seçilən namizəd and içir.
Yeni Azərbaycan Partiyasının icra katibi Əli Əhmədov APA-ya açıqlamasında bildirib ki, İlham Əliyev sabah and içəcək.
