Türkiyədə 2 ay sonra növbədənkənar prezident və parlament seçkiləri olacaq

Türkiyədə növbədənkənar prezident və parlament seçkilərinin tarixi açıqlanıb. NTV Türkiyə xəbər verir ki, Milliyətçi Hərəkat Partiyasının təklifini dəyərləndirən Ərdoğan seçkilərin 2018-ci il iyunun 24-də keçiriləcəyini açıqlayıb.

Qərar bu gün Ərdoğanın MHP sədri Dövlət Baxçalı ilə yarım saatlıq görüşündən sonra qəbul olunub.

Ötən gün Dövlət Baxçalı Türkiyə Böyük Millət Məclisinin komitə iclasında təklif edib ki, 2018-ci il 26 avqustda növbədənkənar prezident və parlament seçkiləri keçirilsin.