Nazirlər Kabinetində boş qalan yerlərə yeni təyinatlar

Nazirlər Kabinetinin bir neçə gün öncə təsdiqlənən yeni tərkibində yer almayan nazirlik və komitələrə təyinatlar olub. Prezident İlham Əliyevin imzaladığı sərəncama görə uzun müddətdir boş qalan təhsil naziri postu da daxil olmaqla bir neçə quruma yeni sədr və nazir təyin olunub. Bir neçəsinin rəhbəri isə əvvəl olduğu kimi qalıb.

Yeni nazirlər:

• Ekologiya və təbii sərvətlər naziri – Muxtar Bahadur oğlu Babayev;
• Təhsil naziri – Ceyhun Əziz oğlu Bayramov
• Diasporla İş üzrə Dövlət Komitəsinin sədri – Fuad Rauf oğlu Muradov
• Dövlət Gömrük Komitəsinin sədri – Səfər Məmməd oğlu Mehdiyev
• Dövlət Turizm Agentliyinin sədri – Fuad Hümbət oğlu Nağıyev;
• Qida Təhlükəsizliyi Agentliyinin sədri – Qoşqar İlahi oğlu Təhməzli
• Dövlət Miqrasiya Xidmətinin rəisi – Vüsal Əfqan oğlu Hüseynov

Əvvəlki vəzifələrində qalanlar:

• Gənclər və idman naziri – Azad Arif oğlu Rəhimov;
• Mədəniyyət naziri – Əbülfəs Mürsəl oğlu Qarayev;
• Müdafiə sənayesi naziri – Yavər Talıb oğlu Camalov;
• Səhiyyə naziri – Oqtay Kazım oğlu Şirəliyev;
• Ailə, Qadın və Uşaq Problemləri üzrə Dövlət Komitəsinin sədri – Hicran Kamran qızı Hüseynova
• Dini Qurumlarla İş üzrə Dövlət Komitəsinin sədri – Mübariz Qəhrəman oğlu Qurbanlı;
• Dövlət Statistika Komitəsinin sədri – Tahir Yaqub oğlu Budaqov;
• Əmlak Məsələləri Dövlət Komitəsinin sədri – Kərəm Əvəz oğlu Həsənov;
• Səfərbərlik və Hərbi Xidmətə Çağırış üzrə Dövlət Xidmətinin rəisi – Arzu Yusif oğlu Rəhimov.