İki vəkilin fəaliyyətinə 1 illik xitam verildi

Aprelin 23-də vəkillər Nemət Kərimli və Əsabəli Mustafayevin vəkillik fəaliyyətinə 1 illik xitam verilik.

Bunu Turana vəkil Əsabəli Mustafayev bildirib.

“Nemət Kərimlinin və mənim vəkillik fəaliyyətimə xitam verilməsilə bağlı şikayət Baş Prokuroluqdan Vəkillər Kollegiyasına keçən ilin oktyabrında daxil olub və qərar da bu şikayət əsasında bu il aprelin 23-də verilib”.

Şikayət baş prokurorun birinci müavini Rüstəm Usibov tərəfindən verilib. Hər iki vəkil cinayət işlərini “siyasiləşdirməkdə” təqsirli bilinir. Nemət Kərimli jurnalist Əfqan Muxtarlının, Əsabəli Mustafayev isə AXCP-nin sədr müavini Gözəl Byaramlının cinayət işini “siyasiləşdirməkdə” günahkar sayılır.

Ə.Mustafayev deyib ki, qərarı hələ almayıblar, alan kimi bu qərarı məhkəmədə mübahisələndirəcəklər və qanunvericilik də buna imkan verir.

• Vəkillər Kollegiyasının Rəyasət Heyəti bu ilin yanvarında Fəxrəddin Mehdiyevin vəkillik fəaliyyətini də dayandırmışdı. O, baş prokurorun birinci müavini Rüstəm Usubovun müraciəti əsasında cəzalandırılmışdı.
• Ötən ilin noyabrın 20-də isə Yalçın İmanovun vəkillik fəaliyyəti dayandırılıb.
• Xalid Bağırov, Əlayif Həsənov və daha bir neçə vəkil Kollegiyadan uzaqlaşdırılıb. Vəkillər bunu siyasi işlərə çıxmaları, yerli və beynəlxalq hüquq müdafiəçilərinin “siyasi məhbus” kimi tanıdığı şəxslərin hüquqlarını müdafiə etmələri ilə izah ediblər.