Mayın 7-si növbəti dəfə yaxınlarının həbsdəki jurnalist Əfqan Muxtarlı ilə görüşünə icazə verilməyib.
Bu barədə NİDA Vətəndaş Hərəkatının üzvü Samir Əsədli Turana məlumat verib. Əsədli deyib ki, Şüvəlandakı 3 saylı İstintaq Təcridxanasına getsələr də jurnalistlə görüşə buraxılmayıblar.
Samir Əsədli onu da deyib ki, bu həftənin şənbə günü Əfqan Muxtarlının cəzaçəkmə müəssisəsnə göndərilməsi gözlənilir. “Ehtimal ki, onu ya 14 və ya 17 saylı CÇM-ə “etap” edəcəklər”.
Əfqan Muxtarlı Şəkidəki penitensiar mərkəzdən ötən həftə Şüvəlana gətirilib.
- Jurnalist Ə.Muxtarlı 2017-ci il mayın 29-da Gürcüstandan oğurlanaraq Azərbaycana gətirilib. Jurnalist qaçaqmalçılıq, hakimiyyət nümayəndəsinə zor tətbiq etmə və dövlət sərhədini qanunsuz keçmə maddələri ilə ittiham olunub.
- Muxtarlı ittihamları qəbul etmir və həbsinin siyasi sifariş olduğunu bildirir.
- O, Gürcüstanda yaşadığı müddətdə Azərbaycan prezidenti İlham Əliyevin Gürcüstanda biznesinin olduğunu araşdırmışdı. Əliyevin və ailəsinin Tbiisidə mülklərinin olduğunu ortaya çıxarmışdı.
- Jurnalist 2018-ci ilin yanvarında Balakən Rayon Məhkəməsinin hökmü ilə 6 il azadlıqdan məhrum olunub.
