Türkiyənin Cümhuriyyət Xalq Partiyasının (CHP) prezidentliyə namizədi Muharrem İncə həbsxanada olan Xalqların Demokratiya Partiyasının (HDP) prezidentliyə namizədi Səlahəddin Dəmirtaşla görüşəcək. NTV Türkiyə yazır ki, bu məqsədlə Ədliyyə Nazirliyinə müraciət edən M.İncəyə müsbət cavab veriləcəyi bildirilib. Bu barədə nazir Əbdülhəmid Gül açıqlama verib.
“Əlbəttə ki, ziyarət üçün izn istəyinə müsbət cavab verəcəyik” – deyə A.Gül bildirib.
Görüş hazırda Səlahəddin Dərmitaşın olduğu Ədirnə cəzaçəkmə müəssisəsində baş tutacaq.
Muharrem İncə bütün rəqiblərini görüşə dəvət edib və ilk görüşünü Səadət Partiyasının prezidentliyə namizədi Təməl Qaramollaoğlu ilə görüşüb. İYİ Partinin namizədi Meral Akşener də onun görüş təklifini qəbul edib və rəqiblərin görüşü bu gün baş tutacaq.
Hazırkı prezident və “Cumhur ittifaqı”nın prezidentliyə namizədi Rəcəb Tayyib Ərdoğan da onun təklifini dəyərləndirə biləcəyini və sədri olduğu Ədalət və İnkişaf Partiyasının qərargahında görüşə biləcəklərini açıqlayıb.
