Yaponiyanın baş naziri Şinzo Abe və həyat yoldaşının İsrail baş naziri Benyamin Netanyahunun evində şam yeməyi zamanı ayaqqabı formasında təqdim olunan desert narazılıq yaradıb. Sputnik Türkiyə yazır ki, baş nazir və həyat yoldaşı metal ayaqqabıda təqdim olunan şokoladı hörmətsizlik kimi qəbul edib.
Foto: segevmoshe / instagram
Məşhur rus aşbaz Moşe Segevin hazırladığı desert haqqında Yaponiyanın İsraildə çalışan və adının açıqlanmasını istəməyən diplomatı İsrail mətbuatına açıqlama verib:
“Dünyanın heç bir yerində yemək masasına ayaqqabı qoymaq adəti yoxdur. Məşhur aşbazın nə düşündüyünü və nə demək istədiyini anlamırıq. Əgər bu zaraftdırsa, bunun gülməli olmadığını düşünürük. Yaponlar nə evlərinə, nə də ofislərinə ayaqqabı ilə girmirlər. Baş nazir, nazirlər və millət vəkilləri belə ofislərində ayaqqabısız olurlar. Deserti bu formada təqdim etmək bir yəhudiyə donuz formasında olan bir qabda şokolad verməyə bənzəyir”.
