AXCP Gənclər Komitəsinin Ali Məclis üzvü Orxan Baxışlı barəsində həbs-qətimkan tədbiri seçilib.
Dünən Yasamal Rayon Məhkəməsində Cinayət Məcəlləsinin 234.4.3 (satış məqsədilə külli miqdarda narkotik əldə etmə, daşıma və ya saxlama) maddəsi ilə ittiham olunan partiya üzvü barəsində 4 ay həbs-qətimkan tədbiri seçilib.
AXCP sədri Əli Kərimli Orxan Baxışlıya qarşı narkotik ittihamının əsassız olduğunu bildirib və gəncin mayın 3-də Beynəlxalq Söz Azadlığını Müdafiə Günü mərhum jurnalist Elmar Hüseynovun məzarı önündə etdiyi çıxışa görə cəzalandırıldığını deyib.
İttiham təsdiqini taparsa fəalı 5 ildən 12 ilə qədər azadlıqdan məhrumetmə cəzası gözləyir.
