Childish Gambino ləqəbi ilə tanınan amerikalı aktyor və musiqiçi Donald Qlover “This is America” klipini təqdim edib. Klipdə o, qara dərili kult musiqiçi Fela Kuitin obrazındadır, Maykl Cekson kimi rəqs edir, adam öldürürür, yenə rəqs edir və yenə adam öldürür. Bu klip 4 gün ərzində 47 milyon baxış toplayıb. Müzakirələrə səbəb olması isə 4 günə bu qədər baxış toplaması yox, klipdəki şifrələrdir. Nə müğənni, nə də rejissor heç bir açıqlama verməyib. Klipi izləyənlər həmin şifrələri açmağa çalışıb. Mikroskop Media ağlabatan təhlilləri təqdim edir.
1. Baş qəhrəmanın rəqsi
4 dəqiqəlik klipdə baş qəhrəman Maykl Ceksonun tərzinə bənzər rəqslər ifa edir. Forbesin müşahidəçisi Edrian Qibs ən azı 9 rəqs tipi müəyyən edib. Onlardan bəziləri Cənubi Amerikada popular olan “Shoki” və “Gvara Gvara” rəqs növləridir. Jurnalist onun da fərqinə varıb ki, klipdə polis yalnız rəqs edən insanlara toxunmur. Yəqin ki, bu, şiddətə qarşı müdafiənin yeganə simvoludur.
2. İlk silahlı qətl
Klipinin əvvəlində qəhrəman gitarada ifa edən bir nəfəri silahla qətlə yetirir. Onun duruşu Cim Krouya işarədir. Jim Krou yazıçı Tomas Dortmut Raysın 1830-cu illərdə yaratdığı obrazdır. Rəvayətə görə, yazar uzun müddət arqa dərililəri müşahidə edib və onların da ifa etdiyi “Tullan Cim Krou” mahnısından istifadə edərək axmaq, müxtəlif təhqirlərə məruz qalan bir obrazdır. Həmin illərdə bu ad qaradərili qullar arasında çox məşhurlaşıb. Sonradan isə “Cim Krou” qara dərililəri alçaltmaq üçün istifadə olunub. Hətta 19-cu əsrin sonlarına yaxın quldarlığın qanunla ləğv edilməyinə baxmayaraq ağdərili və qaradərili insanlar arasında ayrı-seçkiliyi ehtiva edən “Cim Krou qanunları” çıxıb ki, bu da ictimai yerlərdə onların ikisinin də eyni yerdə olmağını, bir-birilə ünsiyyətdə olmağının qarşısını alırdı. Məsələn, eyni restoranda yemək yeyə bilməmək.
3. Ağ atlı çapar
Klipdə rəqs edənlərin arxasında ağ atlı bir çapar görünür. Bu, Bibliyada adı çəkilən atlıya və cəhənnəmə işarədir. “Və mən başımı qaldırdım. Budur ağ at və üzərində ölüm. Arxasınca isə cəhənnəm”. Klipdəki ağ atlı caparın arxasınca gedən polis maşını isə cəhənnəmi simvolizə edir.
4. Rahiblərin qətli
Baş qəhrəman dini mahnı oxuyan rahibləri güllələyir. Klipdə göstərilən səhnə isə həqiqətən baş verib. 2015-ci ilin iyununda 21 yaşlı ağ dərili Dilan Ruf Cənubi Korolina ştatında kilsələrdən birinə daxil olaraq 9 rahibi güllələyərək qətlə yetirib. Ruf bunu qara dərililərə nifrət etdiyi üçün törətdiyini etiraf edib. O, hazırda həbsdədir və öz ölüm hökmünün icrasını gözləyir.
5. Silah həyatdan daha vacibdir
Klipin həm əvvəlindəki, həm də ortalarındakı qətl törədilmə səhnələrində silah qırmızı parçaya bükülərək ərazidən uzaqlaşdırılır. Bu isə silahın insan həyatından daha dəyərli hesab edilməsinə işarədir.
6. Şalvarın dizaynı
Baş qəhrəmanın geyindiyi şalvarın dizaynı Amerikadakı vətəndaş müharibəsi illərində Konfederasiya əsgərlərinin geyindiyi şalvar dizaynına uyğundur. Konfederasiya əsgərləri quldarlığın lehinə olub, onun aradan qaldırılmaması uğrunda savaşırdılar.
Can we talk about how @donaldglover is wearing confederate army pants #thisisamerica #donaldglover #ChildishGambino pic.twitter.com/UdGsYuibBF
— n o ë l l e (@noe_camero) May 7, 2018
7. Maskalı uşaqlar
Bir hissədə yuxarı mərtəbədə əyləşən üzü maskalı uşaqlar baş verən xaosu telefonla çəkir. Bəziləri düşünür ki, bu görüntü polis zorakılığı və rasistliyin yer aldığı “virus videolar”ının artmasına işarədir.
8. İntihar edən şəxs
Klipdə Afrika rəqslərinin arxasında qalan və o qədər də hiss edilməyən intihar da baş verir. İzləyicilərdən biri yazır ki, bu, cəmiyyətdə qara dərili amerikalıların intiharlarına fikir verilməməsini göstərir. İzləyici onu da yazır ki, intihar kadrının yerləşdirilməsi onu göstərir ki, qara dərililərin psixoloji sarsıntıları və intiharları iqnor edilir.
https://twitter.com/siriouslyyy/status/993318836752605185?ref_src=twsrc%5Etfw&ref_url=https%3A%2F%2F
9. Sona doğru maşın üstündə rəqs
Sonlara doğru baş qəhrəman köhnə qırmızı rəngli maşının üstünə çıxaraq rəqs etməyə başlayır. Kliplərində çox bahalı maşınların nümayiş edildiyi müasir amerikan reperlərindən fərqli olaraq qəhrəman izah etməyə çalışır ki, amerikalılar, əslində köhnə, 1980-1990-cı illərin istehsalı olan maşınlara üstünlük verir. Onlar hələ də maqnitafondan və kasetdən istifadə edərək musiqi dinləyirlər.
10. Qaçmağa cəhd
Sonda isə qəhrəman qaçmağa başlayır. Eyni qaçış kadrları isə Corc Pilanın “Get out” filmində də var. BuzzFeed-in oxucularından biri fikir verib ki, qəhrəman qanjanı çəkib qurtarandan sonra qaçmağa başlayır. Onu polislər qovur. Bu isə qara dərililərin narkotik ittihamı ilə təqib edilməsinə işarədir.
