20 il həbs cəzası alan ilahiyyatçı Tale Bağırzadəyə qarşı təxribat hazırlanır.
Bu barədə Rakurs TV-ə onun yaxınları məlumat verib.
Bir müddətdir ki, Tale Bağırzadə telefonla danışa bilmir. Buna səbəb telefonla danışarkən nəzarətçinin onun yanında dayanması və onu dinləməsidir. İlahiyyatçı dəfələrlə buna nə etiraz esə də problem həllini tapmayıb.
Bundan başqa ilahiyyatçıya yalnız əvvəlcədən müəyyənləşdirilmiş bir nömrəyə zəng vurmağa icazə verilir.
Tale Bağırzadә onu da deyib ki, onun hәbsxanada davranış qaydalarını pozması, dini radikalizmi, şiddәt vә dözümsüzlüyü tәbliğ etmәsi barәdә akt tәrtib etmәk istәyirlәr. Aktı imzalaması istәnilsә dә, o, qol çәkmәyib.
Bildirilir ki, bu təxribata Qobustan həbsxanasında saxlanılan digər “Nardaran məhbusu” Abbas Hüseynov da çəkilə bilər. A.Hüseynov aprelin 30-da ailə üzvləri ilə telefon danışığında bildirmişdi ki, həbsxanada ona qarşı işgəncələr yenidən başlayıb. Onun sözlərinə görə, həbsxananın rəis müavini və daha bir neçə əməkdaşı onu döyüblər, əlləri qandallı vəziyyətdə cərimə kamerasında saxlanıldığından qandal biləklərini kəsib. Abbasın anası Rəhimə Hüseynova mayın 10-u Rakurs TV-ə deyib ki, iki gündür Abbası həbsxanada dirəyə bağlayıb, ac saxlayırlar.
“Hər gün səhər kameradan çıxarıb, günün altında dəmir dirəyə bağlayıb, axşama qədər bu vəziyyətdə saxlayırlar. İşgəncə ilə bağlı bir çox dövlət orqanına müraciət etdik. Penitensiar Xidmətin rəisinə məktub yazdım, Beynəlxalq Qırmızı Xaç Komitəsinin, Ombudsman Aparatının nümayəndələri ilə görüşdüm. Hamısından xahiş elədim ki, Abbasla görüşsünlər, ona qarşı işgəncələrə son qoyulsun. Dövlət orqanları heç bir addım atmadı. Bircə Beynəlxalq Qırmızı Xaçın əməkdaşları iki gün əvvəl gedib baş çəkib, Abbas da onlara olanları danışıb. Onlar çıxıb gedən kimi yenə Abbasa əziyyət verməyə başlayıblar”
Hər iki məhbusun ailəsi baş verəcək istənilən hadisəyə görə həbsxana rəhbərliyinin məsuliyyət daşıdığını bildirir.
