Gürcüstan Daxili İşlər Nazirliyi paytaxt Tbilisidə klublarda narkotik istifadəsi və satışı ilə bağlı reyd keçirib. Gürcü jurnalistlərin Mikroskop-a verdiyi məlumata görə, reydlər “Gallery” və “Bassiani” adlı klublarda keçirilib və xüsusi təyinatlılar da iştirak edib. Rəsmi məlumata görə, 8 nəfər saxlanılıb.
Saxlanılanlar arasında “Bassiani” klubunun rəhbərlərindən biri Zviad Gelbakhianidir. Lakin polis onu ərazidən apara bilməyib və klubun içərisinə salıb.
Əməliyyat zamanı klubların ətrafının xüsusi təyinatlılar tərəfindən mühasirəyə alındığı bildirilir.
- Polisin reyd keçirdiyi “Bassiani” klubunun rəhbərləri eyni zamanda narkotik vasitələrin istifadəsi qadağası əleyhinə mübarizə aparan “Ağ səs-küy” hərəkatının üzvüdür.
- Gürcü jurnalistlər onu da bildirib ki, son günlər bir neçə nəfər narkotik istifadəsinə görə həbs olunub və sağlamlıq üçün zərərli olan sintetik narkotik maddələrin istifadəsinə görə iki nəfər ölüb.
