Gürcüstanın baş naziri Giorgi Kvirikaşvili paytaxt Tbilisidə bir neçə gündür davam edən etiraz aksiyaları ilə bağlə bu gün jurnalistlərə açıqlama verib. Baş nazir həm narkotikin leqallaşdırması tələbi ilə aksiya keçirən gəncləri, həm də onların əleyhinə etiraz mitinqi keçirən ultra-sağçıları birlikdə narkotikə qarşı mübarizə aparmağa çağırıb.
“Georgia Today” yazır ki, Baş nazir söz verib ki, aksiya iştirakçılarının ifadə azadlığı məhdudlaşdırılmayacaq:
“Mən şəxsən sizin hamınızı əmin edirəm ki, sizin ifafə azadlığınız təhlükə altına düşməyəcək” – deyə Baş nazir bildirib.
Kvirikaşvili vurğulayıb ki, narkotik bir neçə gəncin ölümünə səbəb olub və bunun qarşısı alınmalıdır.
Baş nazir polisi təhlükəsizliyi daha da gücləndirməyə çağırıb.
“Hər kəsin haqqı var ki, öz mövqeyini ifadə etsin, amma fərqli fikir və mövqeyə görə nifrət etmək olmaz” – deyə Baş nazir əlavə edib.
Demonstrations continue amidst heavy presence of armed special operation forces #tbilisi #bassiani pic.twitter.com/3hZrmw0Wpd
— OC Media (@OCMediaorg) May 13, 2018
“Ağ küy” qeyri-hökumət təşkilatı isə Baş nazirin narkotiklə birlikdə mübarizə təklifinin qeyri-adekvat olduğunu bəyan edib. Aksiyaların təşkilatçısı və adıçəkilən QHT-nin rəhbəri Beka Tsikarişvili deyib ki, aksiyalar hökumətin daha liberal narkotik siyasəti qəbul etməsinə qədər davam edəcək. Aksiya təşkilatçısı həm də əlavə edib ki, hökumətdən narkotik asılığından əziyyət çəkənləri cəzalandırmaq əvəzinə hökumət onların qayğısına qalmalıdır.
Special Operation Forces Right now in #Tbilisi pic.twitter.com/xg1YbYG7dU
— Irma kurtz (@forirma) May 13, 2018
Aksiya iştirakçıları Baş nazir Giorgi Kvirikaşvili və daxili işlər naziri Giorgi Qaxarianın istefasını tələb edir.
Hazırda paytaxt Tbilisinin Rustaveli prospektində iki qrup etiraz aksiyası keçirir. Onlardan biri cümə günü gecə saatlarında şəhərin məşhur gecə klublarında polisin narkotik satışı əleyhinə keçirdiyi reydlərə və bu reydlər zamanı yol verilən zorakılıq hallarına etiraz edir.
Special operation forces standing while far-right demonstrators cheer from behind the busses. Anti-violence demonstration proceeds peacefully #Bassiani #tbilisi pic.twitter.com/cKQ8UDFUc7
— OC Media (@OCMediaorg) May 13, 2018
Yüzlərlə gənc mövcud narkotik qanunvericiliyinin dəyişdirilməsini, Baş nazir və daxili işlər nazirinin istefasını tələb edir. Digər qrup isə ultra-millətçi Gürcü Milli Birliyinin üzvləridir ki, onlar narkotik satıcılarına ölüm hökmü istəyir və tələb edirlər ki, ötən gün aksiyalarda qarşıdurma zamanı saxlanılan 10 gənc azadlığa buraxılsın.
Daxili işlər naziri Giorgi Qaxarianın da aksiyalar keçirilən əraziyə gəldiyi bildirilir.
https://www.facebook.com/sovanews/posts/898689226976638
