Türkiyənin Radio və Televiziya Üst Qurumunun (RTÜK) seçkiöncəsi özəl televiziya kanalları və TRT-də prezidentliyə namizədlərə ayrılan efir vaxtı ilə bağlı monitorinqi başlayıb. Sputnik Türkiyə xəbər verir ki, hər seçki vaxtı aparılan monitorinqin ilkin mərhələsinin nəticələri açıqlanıb.
Növbədənkənar seçkinin keçiriləcəyi tarixdən etibarən 17 aprel və 6 may tarixləri ərzində aparılan monitorinqə görə TRT hazırkı prezident Rəcəb Tayyib Ərdoğana 37 saat vaxt ayırıb. Növbədənlənar seçki keçirilməsi təklifini irəli sürən və Millətçi Hərəkat Partiyasının sədri Dövlət Baxçalı isə TRT efirində 1 saat 40 dəqiqə 2 saniyə görünüb.
Digər namizədlərə ayrılan efir vaxtı isə belə olub:
[infogram id=”trt-prezidentliy-namizdlr-arasinda-n-cox-efir-vaxtini-rdogana-ayirib-1h9j6qmlpdo54gz” prefix=”MqO”]
- Cümhuriyyət Xalq Partiyasına ümumilikdə 3 saat 4 dəqiqə 28 saniyə efir vaxtı ayrılıb ki, bunun da böyük əksəriyyəti partiya sədri Kamal Kılıçdaroğlunun Türkiyə Böyük Millət Məclisindəki çıxışlarıdır.
- Xalqların Demokratiya Partiyası (HDP) və Səadət Partiyasına isə xəbər buraxılışları istisna olmaqla ümumiyyətlə efir vaxtı ayrılmayıb.
