Ağ ev Qəzzada İsrail-Fələstin qarşıdurması haqqında: İsrailin özünü müdafiə etməyə haqqı var

ABŞ səfirliyinin Qüdsə köçürülməsinə etiraz edən fələstinlilər ilə İsrail əsgərləri arasında Qəzzada qarşıdurma yaranıb. Reuters xəbər verir ki, qarşıdurma nəticəsində son məlumatlara görə, 55 fələstinli həlak olub, 2700 nəfər yaralanıb.

“Bu gün böyük gündür, biz bu gün hasarı keçib İsrail və dünyaya deyəcəyik ki, biz bu işğalla barışmayacağıq” – deyə Qəzzada müəllim kimi çalışan Əli adlı aksiya iştirakçısı deyib.

Etirazçıların yandırdığı təkərlər aksiya keçirilən ərazini qara tüstüyə bürüyüb. Onların bəziləri daş atanlarla silahlanıb və göz yaşardıcı qaz atan İsrail təhlükəsizlik qüvvələrinə daş atıb.

Bu gün fələstinlilər üçün Qəzza konflikti tarixində 2014-cü ildə bəri ən qanlı gün olub.

İsrailin Baş naziri Benyamin Netanyahu isə qarşıdurma ilə bağlı danışarkən deyib ki, İsrail əsgərləri öz ölkələrinin sərhədlərini qoruyur.

ABŞ səfirliyinin Qüdsə köçürülməsi xarici tənqidçilərin də fikrincə sülh danışıqlarına ziyan vurur.

Qarşıdurmalara Ağ evin adının çəkilməsini istəməyən rəsmisi də münasibət bildirib və Həmas liderlərini Qəzzada ölümcül zorakılıq törətməkdə günahlandırıb.

“Həmas insanları zorakılıq törətməyə təşviq edir. İsrailin özünü müdafiə etməyə haqqı var” – deyə Ağ ev rəsmisi bildirib.