“Heç kimə imkan verməməliyik ki, Azərbaycanda dini qarşıdurma yaratsın”

“Regionda bəzi dairələr daxildən və xaricdən dindarların əli ilə Azərbaycana təsir göstərmək istəyir, qarışıqlıq yaratmaq istəyir”. Bu sözləri Qafqaz Müsəlmanları İdarəsinin sədri Allahşükür Paşazadə Ramazan ayının başlanması ilə bağlı tədbirdə deyib.

“Bu dairələrin məqsədi ilk mərhələdə Azərbaycanda dini qarşıdurma yaratmaqdır. Din amilindən istifadə edərək, İraq və Suriyada vəziyyəti qarışdırdılar. Azərbaycanda da bu hadisələri törətmək istəyənlər var”.

APA yazır ki, Şeyxülislam dindarları bu məsələlərdə diqqətli olmağa çağırıb: “Heç kimə imkan verməməliyik ki, Azərbaycanda dini qarşıdurma yaratsın”.