Heydər Əliyev adına Müasir Təhsil Kompleksində təhsil almaq üçün ən azı 9 500 manat lazımdır

Prezident İlham Əliyev bu gün Bakıda Heydər Əliyev adına Müasir Təhsil Kompleksinin yeni binasının açılışında iştirak edib. Təhsil naziri Ceyhun Bayramov Prezident İlham Əliyevə və birinci xanım Mehriban Əliyevaya kompleksdə görülən işlər barədə məlumat verib.

Bu təhsil kompleksi Azərbaycanda ilk yaradılan özəl təhsil müəssisələrindən biridir və 2001-ci ildən fəaliyyət göstərir. Kompleks 3 hissədən ibarətdir; uşaq bağçası, orta ümumtəhsil məktəbi və 39 saylı musiqi məktəbi.

Təhsil Kompleksində oxumaq istəyən şagirdlər dövlət müəssisələrindən fərqli olaraq illik təhsil haqqı ödəməlidirlər.

Təhsil haqqı nə qədərdir və güzəştlər varmı?

• Azərbaycan və rus bölmələrində təhsil üçün illik 9500 AZN.

• İngilis bölməsi üçün isə 12 000 AZN ödəmək lazımdır.

• Eyni ailədən olan uşaq sayına görə isə endirimlər də edilir.

Bununla yanaşı illik ödənişə şagirdlər üçün nəqliyyat xidməti daxil deyil. Bunun üçün valideynlər aylıq 120 AZN ödəməlidir.

Kompleksin rəsmi saytında qeyd olunur ki, şagirdlər vahid forma geyinməlidirlər və bu forma da məktəbdə ayrıca ödənişlə verilir.