Paraqvay bu gün Qüdsdə ölkənin İsraildəki səfirliyini açıb. Reuters xəbər verir ki, Paraqvay prezidenti Horasio Kartes və İsrailin Baş naziri Benyamin Netanyahu səfirliyin açılış mərasimində iştirak ediblər.
Kartes açılış mərasimində deyib ki, bu tarixi gün Paraqvay və İsrail arasında münasibətləri daha da möhkəmləndirir.
“İsrail üçün böyük gündür. Paraqvay üçün böyük gündür. Bizim dostluğumuz üçün böyük gündür. Siz təkcə bizim hökumətin dəstəyini yox, həm də xalqımızın minnətdarlığını qazanmısız”. – deyə Netanyahu bildirib.
Fələstin Azadlıq Təşkilatının rəsmisi Həsən Əşravi Paraqvayın addımını qınayıb
Ötən ilin dekabrında ABŞ prezidenti Donald Tramp Qüdsü İsrailin paytaxtı kimi tanıyıb və ABŞ səfirliyinin Tel-Əvivdən Qüdsə köçürüləcəyini açıqlayıb. Bir neçə gün əvvəl Trampın qızının da iştirakı ilə səfirliyin açılışı olub. Bu zaman Qəzzada buna etiraz olaraq aksiya keçirən fələstinlilərlə İsrail ordusu arasında qarşıdurma yaranıb. İsrail ordusunun hücumu nəticəsində 60-a yaxın fələstinli ölüb, 3 minə yaxın adam yaralanıb.
ABŞ-dan sonra Qvatamela da Qüdsdə səfirlik açıb.
