Venesualla prezidenti Nikolas Maduro prezident seçkilərində yenidən qalib gəlib. NTV Türkiyə xəbər verir ki, 68% səslə qalib gələn Maduro ölkəni 2025-ci ilə qədər idarə edəcək.
Paytaxt Karakasda keçirilən qələbə mitinqində onu dəstəkləyənlərə təşəkkür edib.
“Hücumlara müqavimət göstərdiyiniz və bu böyük mübarizədə mənə dəstək olduğunuz, məni yenidən prezident seçdiyiniz üçün sizə dərindən minnətdarlığımı bildirirəm” – deyə Maduro vurğulayıb.
Venesuallanın bir liderə ehtiyacı olduğunu vurğulayan Maduro seçkidəki rəqibləri ilə danışıqlara hazır olduğunu deyib.
“Bütün baş verənlərə baxmayaraq Venesuallanın gələcəyi üçün nə vaxt və harada istəyirlərsə, görüşməyə hazıram”.
Seçkidə 21% səs toplayan Henri Falkon isə bəyan edib ki, seçkinin nəticələrini tanımır və nəticələr qeyri-legitimdir.
Boliviya və Salvador prezidentləri seçkinin nəticəsini tanıyıb və Maduronu təbrik edib.
