Bakıda kafedə baş verən partlayışda daha 1 nəfər ölüb, cinayət işi başlanıb

Bakıda kafedə baş verən partlayışda xəsarət alanlardan biri xəstəxanada ölüb, birinin isə müalicəsi davam etdirilir.

Bu barədə APA-ya Respublika Yanıq Mərkəzindən bildirilib.

Binəqədi rayon Prokurorluğundan isə baş vermiş hadisə ilə bağlı Cinayət Məcəlləsinin 314.3-cü (səhlənkarlıq – iki və daha artıq şəxsin ölümünə səbəb olduqda) maddəsi ilə cinayət işi başlanıb.

• 21 mayda Binəqədi rayonunda ümumi sahəsi 25 m2 olan (10 m2 hissəsi daşdan, qalan hissəsi taxta konstruksiyalardan ibarət) tikilinin (çayxana kimi fəaliyyət göstərir) içərisində propan qaz balonu partlayıb.
• Nəticədə tikilinin yanar konstruksiyaları yanıb.
• Yanğın yerinin kəşfiyyatı zamanı 2 nəfərin meyiti yanğınsöndürənlər tərəfindən aşkar edilib.