Müsavat Partiyası Xətai rayon təşkilatınım sədr müavini Elvin Abdullayev 30 sutka inzibati cəza alıb.
***
Müsavat Partiyası Xətai rayon təşkilatınım sədr müavini Elvin Abdullayev saxlanılıb.
“Basta” Müsavat başqanının müavini Fərəc Kərimliyə istinadən belə yazır.
Fərəc Kərimlinin sözlərinə görə bu gün bir qrup polis əməkdaşı Elvin Abdullayevin evinə gedərək, onun anasını 36-cı polis bölməsinə aparıb. Polisin gəldiyi vaxt evdə olmayan Elvin Abdullayev özü anasının saxlandığını bildikdən sonra bölməyə gedib gedib. Anası sərbəst buraxılsa da, Elvin Abdullayev saxlanılıb.
E. Abdullayev hazırda Xətai Rayon Məhkəməsindədir. Ona qarşı hansı ittihamın irəli sürüldüyü bilinmir. Məhkəmə prosesinə sədrliyi hakim Bəxtiyar Məmmədov baxacaq.
Müsavat Partiyasının mətbuat xidmətinin açıqlamasında bildirilir ki, Elvin Abdullayevin həbsi onun sosial şəbəkədəki yazıları ilə bağlıdır.
E. Abdullayev bundan əvvəl 10 yanvar 2015-ci ildə həbs edilib. Bakı Ağır Cinayətlər Məhkəməsində narkotik vasitələrin qanunsuz dövriyyəsində təqsirləndirilərək 1 iyun 2015-ci ildə 6 il müddətinə azadlıqdan məhrum edilib.
17 mart 2017-ci ildə prezidentin əfv sərəncamı ilə azadlığa buraxılıb.
