Jurnalist Əfqan Sadıqovun həbs müddəti bitdiyi üçün mayın 22-də azad edilib. Jurnalist 17 saylı cəzaçəkmə müəssisəsindən azadlığa çıxıb.
Əfqan Sadıqov jurnalistlərə ilk açıqlamasında ona dəstək olanların hamısına təşəkkür edib. Öz fəaliyyətini davam etdirəcəyini açıqlayıb.
“İlham Əliyev hakimiyyəti getməyənə qədər, onun yerinə xalqı sevən, vətəndaşlara xidmət edən biri gəlməyənə qədər 1 dəqiqədə olsun susmayacağam”.
Azel.tv saytının təsisçisi və redaktoru Ə.Sadıqov 2016-cı ilin noyabrın 22-də həbs edilərək, xuliqanlıq niyyəti ilə təhlükəli üsulla sağlamlığa qəsdən az ağır ziyan vurma maddəsi ilə ittiham olunub.
2 il 6 ay müddətinə azadlıqdan məhrum edilsə də sonradan jurnalistin cəzası 1 il azaldılıb.
