Azərbaycan Xalq Cəbhəsi Partiyasının 3 fəalı saxlanılıb. Bu barədə partiya üzvləri Facebook-da məlumat yayıblar. Məlumatda bildirilir ki, AXCP Rəyasət Heyətinin üzvü Aqil Əli Məhərrəm, partiyanın Nərimanov rayon şöbəsinin sədri Babək Həsənov və Gənclər Komitəsinin Ali Məclisinin sədri Ruslan Nəsirli polis bölməsinə aparılıb. Onların hansı bölmədə olduğu barədə məlumat verilmir.
Partiya üzvlərindən birinin Mikroskop-a verdiyi məlumata görə, onlar 13 saylı Sabunçu rayon Polis bölməsinə baş çəkiblər və fəallardan hər hansı birinin həmin bölmədə olmadığı deyilib.
Saxlanılmadan əvvəl onların hər üçünün yaşadıqları evlərdə axtarış aparıldığı deyilir. Saxlanma ilə bağlı rəsmi məlumat yoxdur.
