BBC Azərbaycancanın yaydığı xəbərə görə işgəncələrdən öldüyü iddi edilən siyasi fəal Saleh Rüstəmov sağdır.
Onun qardaşı Valeh Rüstəmov açıqlama verib. O, bu gün qardaşı ilə görüşüb, bədəninə baxıb və hər hansı işgəncə faktına rast gəlməyib.
O, Saleh Rüstəmova görə DİN-in Baş Mütəşəkkil Cinayətkarlıqla Mübarizə İdarəsinin qarşısına toplaşan ictimai-siyasi fəalların, jurnalistlərin ordan dağılışmasını istəyib.
Valeh Rüstəmovun qardaşının vəkillə niyə görüşmədiyinə aydınlıq gətirməyib, bu barədə məlumatsız olduğunu deyib.
Fəalın vəkili Bəhruz Bayramov da əvvəlcə müvəkkili ilə görüşə dəvət olunsa da, onunla görüşə bilməyib: “Mənə dedilər ki, Saleh Rüstəmov vəkillə görüşmək istəmir, yalnız qardaşı ilə görüşəcək”.
Bu arada Valeh Rüstəmovun oğlu Vidadi Rüstəmov da əmisindən sonra saxlanıb.
Narkotiklərin qanunsuz dövriyyəsində şübhəli bilinərək saxlanan Vidadi Rüstəmovla mayın 24-də görüşən vəkil Bəhruz Bayramov müvəkkilin ondan imtina etdiyini bildirib: “Dedi ki, ona hər hansı işgəncə verilməyib, vəkildən də imtina edir”.
DİN isə işgəncə xəbərini təkzib edir. Daxili İşlər Nazirliyinin mətbuat xidmətinin rəisi Ehsan Zahidov APA-ya bildirib ki, Saleh Rüstəmovun səhhəti və ona işgəncə verilməsi ilə bağlı yayılan xəbərlər əsassızdır.
Saleh Rüstəmov mayın 8-də saxlanıb, o, narkotiklərin qanunsuz dövriyyəsində şübhəli bilinir.
Amma yaxınları 14 gün onun haqqında məlumat ala bilməyib, barəsində seçilən həbs-qəti imkan tədbirindən verilən apellyasiya şikayətinə baxılan zaman da məhkəməyə gətirilməyib.
Saleh Rüstəmov 1992-1993-cü illərdə Gədəbəy Rayon İcra Hakimiyyətinin başçısı olub.
