Azərbaycan Xalq Cəbhəsi Partiyasının (AXCP) mayın 25-də saxlanılan 3 üzvü; Babək Həsənov, Aqil Məhərrəmov, Ruslan Nəsirli barəsində 4 aylıq həbs qətimkan tədbiri seçilib. Bu barədə partiyanın Rəyasət Heyətinin üzvü Natiq Ədilov məlumat verib. Onun sözlərinə görə, partiya fəalları Cinayət Məcəlləsinin 192.3.2 (xüsusilə külli miqdarda gəlir əldə etməklə qanunsuz sahibkarlıq), 193-1.3.1 və 193-1.3.2-ci (mütəşəkkil dəstə tərəfindən cinayət yolu ilə əldə edilmiş külli miqdarda pul vəsaitlərini və ya digər əmlakı leqallaşdırma) maddələri ilə təqsirləndirilir.
Həmin gün saxlanılan Ramiz Kamal isə azadlığa buraxılıb. Ona bildirilib ki, yenidən ifadə vermək üçün çağırıla bilər.
Babək Həsənov və Ruslan Nəsirlinin apellyasiya məhkəməsi mayın 31-də keçiriləcək. Aqil Məhərrəmovun məhkəməsinin nə vaxt olacağı hələlik bəlli deyil.
Milli Şuranın sədri Cəmil Həsənli partiya fəallarının həbsi barədə bunları deyib:
“Qətiyyətlə pislənilməlidir. Dövlətin resursların namuslu adamlara qarşı səfərbər etmək yolverilməzdir”.
