Rusiya xarici işlər naziri Sergey Lavrov ötən gün Ukraynada qətlə yetirilən jurnalist Arkadi Babçenkonun ölümündə Rusiyanın günahkar olmadığını bildirib. Reuters xəbər verir ki, nazir bunu Ukraynanın baş naziri Vladimir Qroysmanın iddiasına cavab olaraq deyib.
Baş nazir Facebook səhifəsində yazıb ki, Babçenkonun ölümündə Rusiya günahkardır.
https://www.facebook.com/volodymyrgroysman/photos/a.149589705209952.1073741830.149481385220784/714366298732287/?type=3&theater
Babçenkonun ölümünü faciə adlandıran Lavrov əlavə edib ki, Ukraynanın iddiaları boşdur və anti-Rusiya kursunun davamıdır.
“Hətta cinayət işi belə hələ başlamayıb və Ukraynanın baş naziri artıq elan edib ki, cinayət Rusiya xüsusi xidmət orqanlarının əməlidir” – deyə S.Lavrov vurğulayıb.
Arkadi Babçenko Rusiya prezidenti Vladimir Putini tənqid edirdi və qısa müddətdir yaşamağa başladığı Kiev şəhərində güllələnərək qətlə yetirilib. Rusiyada təhdid olunmağa başladıqdan sonra ölkəsindən qaçıb.
Babçenkonun qətli Kremlin Kievdə törətməkdə ittiham olunduğu və son iki ildə baş verən 4-cü qətldir. Ukrayna bu qətllərdə Rusiyanı təqsirləndirsə də onlaırn heç birinin üstü açılmayıb.
