Mayın 30-da REAL Partiyasının fəalı Elmir Həmzə polisin qanuni tələbinə tabe olmamaq ittihamı ilə 25 sutka inzibati həbs cəzası alıb.
Partiyanın başqa fəalı Ərəstun Baxşəliyev hazırda Yasamal Rayon Polis İdarəsinin 26-cı polis bölməsinə aparılıb, daha iki fəalı isə polisə çağırılıb.
Bu barədə Turan-a REAL Partiyasının Məclis üzvü Natiq Cəfərli bildirib.
Mayın 29-da REAL-ın Məclis üzvü Azər Qasımlı polisin qanuni tələbinə tabe olmamaq ittihamı ilə Yasamal Rayon Məhkəməsi tərəfindən 30 sutka inzibati qaydada həbs edilib.
Fəalların həbsi REAL Partiyasının mayın 28-də Azərbaycan Xalq Cümhuriyyətinin 100 illik yubileyi ilə bağlı istiqlaliyyət küçəsindəki abidənin önündə nümayiş keçirdikdən sonra başlayıb.
