Qısa olaraq Sençov barədə
Oleq Sençov ukraynalı rejissor və aktivistdir. 2014-cü ildə Krımın ilhaqından sonra terrorizmdə təqsirləndirilərək Krımda həbs edilib. 2015-ci ilin avqustunda 20 il müddətinə azadlıqdan məhrum edilib. Həbs müddətini ciddi rejimli cəzaçəkmə müəssisəsində keçirməsi ilə bağlı qərar verilib. Sençov ittihamı rədd edir və həbsini siyasi sifariş hesab edir. Beynəlxalq insan haqları təşkilatları Sençovun azadlığını tələb edir.
“Oyunçu” filmi haqqında
2011-ci ildə ilk filmi “Oyunçu”nu çəkir. Filmdə söhbət dünya çempionatında ikinci yer tutan, kompyuter oyunları oynayan gəncdən gedir. Büdcəsi 20 min dollar olan filmdə bütün aktyorlar rollarını pulsuz ifa edib. “Oyunçu” Rotterdam film festivalında nümayiş edilib. 3-cü Odessa beynəlxalq kinofestivalında münsiflərin xüsusi diplomu ilə təltif edilib.
Aktivist
Sençov “Avtomaydan” aktivistlərindən biri olub. Krım böhranı vaxtı “Bir Ukrayna” hərəkatını dəstəkləyib və aksiya iştirakçılarına yemək, təcili tibbi yardım ləvazimatları çatdırıb.
Həbsi olunması
Rejissor və aktivist Sençov 2014-cü ilin mayında Rusiya Xüsusi Xidmət orqanları tərəfindən terror törətmək ittihamı ilə saxlanılıb. Onunla birgə başqa 3 nəfər də saxlanılıb. Bir müddət sonra o, Moskvadakı Lefortova istintaq təcridxanasına gətirilib. Hüquq mühafizə orqanlarının ilkin ehtimalına görə həbs edilənlər Simferopolda terror aktları törətmək istəyiblər. Onlar 8-9 may tarixlərində kustar üsulla hazırlanan partlayıcılarla “Həmişə yanar alov” abidəsi və Leninin xatirə abidəsini partlatmaqda, 14-18 aprel tarixlərində hakim partiyanın və “Rus Krım cəmiyyəti”nin ofisini yandırmaqda günahlandırılıb.
Həbsinə rekasiyalar
Sençovun həbsindən dərhal sonra Ukrayna Xarici İşlər Nazirliyi onun azadlığını tələb edib.
Avropa Kino Akademiyasının direktoru Marion Dörinq, Alman Kino Akademiyası, Rusiya Kino Birliyi Sençovun azadlığa buraxılması üçün müraciət edib.
62-ci San – Sebastyan kino festivalında münsiflərdən biri kimi Sençov dəvət edilib. Həbsdə olduğu üçün onun yeri boş qalıb.
2015-ci ildə keçirilən Kann film festivalında hər 5 filmdən bir monitorda “Oleq Sençova Azadlıq” şüarı olan fotolar nümayiş etdirilib.
2018-ci ildə “Pussy Riot” qrupunun üzvləri “Le Monde” qəzetində Fransa prezidenti Makrona müraciət ünvanlayaraq Putindən Sençovu azadlığa buraxmasını tələb ediblər.
