Əfqanıstanın paytaxtı Kabildə kamikadzenin törətdiyi partlayış nəticəsində azı 8 nəfərin həlak olduğu bildirilir. Reuters xəbər verir ki, bombalı hücum 2 minə yaxın ruhaninin toplantısından sonra baş verib. Ruhanilər ölkənin ali dini qurumunun toplantısında kamikadze hücumlarından danışıb və bununla bağlı fətva veriblər.
Hadisəni hansı qruplaşmanın törətdiyi hələ ki, məlum deyil.
Son aylarda Əfqanıstanda baş verən partlayışlarda onlarla insan həlak olub və müsəlmanlar üçün müqəddəs sayılan Ramazan ayında belə bombalı hücumlarda səngimə müşahidə olunmayıb.
