Rusiyada Ukraynanın xeyrinə casusluqda ittiham edilən ukraynalı jurnalist Roman Suşenko 12 il müddətinə azadlıqdan məhrum edilib. O, cəzasını ciddi rejimli cəzaçəkmə müəssinəsində çəkəcək.
İttiham tərəfinin 14 il həbs cəzası istədiyi prosesdə təqsirləndirilən tərəfin vəkili jurnalistin təxribata çəkildiyini deyərək, cəzasının azaldılmasını xahiş edib.
Vəkil Mark Feyqin apellyasiya şikayəti verəcəyini bildirib. M,Feyqin həm də jurnalistin Ukraynada saxlanılan “RİA Novosti”nin redaktoru Kiril Vışinsko ilə dəyişdirilə bilməsi ehtimalını da istisna etməyib.
Roman Suşenko Moskvada 2016-cı ilin payızında saxlanılıb. Həm journalist, həm də Ukrayna tərəfi ittihamları rədd edir və bunu Romanın “Ukraynform” agentliyinin Paris bürosunun əməkdaşı olması ilə əsaslandırırlar.
Son illərdə Rusiyada Ukrayna xeyrinə casusluq adı ilə həbslər həyata keçirilir. 2015-in oktyabrında Ukraynanın “Znamya” hərbi zavodunun keçmiş direktoru Yuriy Soloşenko 6 il müddətinə eyni ittihamla həbs edilib.
2016-cı ilin İyununda Soloşenko və başqa məhbus Qennadi Afanasev əfv edilərək Odessa işinə görə həbs edilənlərlə dəyişdirilib.
