No Result
View All Result
İyunun 5-də baş verən zəlzələdən sonra Qax və Zaqatala mərkəzi rayon xəstəxanalarının təcili yardım şöbələrinə ümumilikdə 31 müraciət daxil olub. Azadlıq Radiosu xəbər verir ki, Zaqatala rayon Göyəm kənd sakini, 63 yaşlı Soltan Qandaxov zəlzələdən həyəcanlanaraq stress keçirib.
Qan təzyiqi yüksələn S.Qandaxov insult keçirərək vəfat edib. S.Qandaxov əvvəllər də Zaqatala rayon kardioloji dispanser qeydiyyatında olub.
Qaxda 13 yaşlı Gülər Durmuşzadə zəlzələ anında qaçmaq istəyərkən yıxılıb və ayağı burxulub. Ona lazımi tibbi yardım göstərilib.
Zaqatala Rayon İcra Hakimiyyəti başçısının birinci müavini Tofiq Əhmədov deyib ki, tikililərdə çatlar əmələ gəlib və sərhəd divarları aşıb.
Fövqəladə hallar naziri Kəmaləddin Heydərov zəlzələdən sonra vəziyyətlə yerində tanış olmaq üçün Zaqatala rayonuna səfər edib.
İyunun 5-i yerli vaxtla 22:40-da Zaqatala baş verib.
5.5 maqnitudalı zəlzələnin ocağının 19 km dərinlikdə yerləşdiyi bildirilir. Zəlzələ episentrdə 6 bala qədər hiss olunub.
Zəlzələ əsasən, ölkənin şimal-qərb rayonlarında hiss olunub.
No Result
View All Result
