Daha bir REAL üzvü Anar Məmmədov polisə müqavimət ittihamı ilə inzibati həbs cəzası alıb. Onun yaxınlarının jurnalistlərə verdiyi məlumata görə, A.Məmmədov ev geyimində polislər tərəfindən aparılıb, bir saatdan sonra məlum olub ki, onun məhkəməsi olacaq.
Qapalı keçirilən məhkəmədə Anar Məmmədoav İnzibati Xətalar Məcəlləsinin 535.1-ci maddəsi ilə 10 sutka inzibati həbs cəzası verilib.
Mayın 28-də Bakının mərkəzində 28 May – Respublika Günü münasibətilə REALın təşəbbüsü ilə yürüş keçirilib. Yürüşdən sonra partiyanın fəallarına qarşı təzyiq başlayıb.
Mayın 29-da Yasamal Rayon Məhkəməsində REAL Partiyası Ali Məclisinin üzvü A.Qasımlıya polisə tabe olmamaq ittihamı ilə 30 sutka həbs cəzası verilib
Mayın 30-da REAL Partiyası Ali Məclisi üzvü Elmin Həmzəyə 25, Nizami Rayon Məhkəməsində Nəriman İsmayılova 30, Yasamal Rayon Məhkəməsində isə Ərəstun Baxışəliyevə də 30 sutka həbs cəzası verilib.
