Neftçalada istehsal edilən avtomobillər 14 min manata satılacaq

Neftçala Avtomobil Zavodunda aşağı sinif avtomobillərin istehsalı planlaşdırılır. Bunu “Azərmaş” MMC-nin Emin Axundov deyib.

E.Axundov Reporta deyib ki, ilkin olaraq 100 ədəd “Xəzər” avtomobili satışa çıxarılacaq. Qiyməti 14 min olacaq avtomobillərdən ayda 160 ədədinin istehsalı planlaşdırılır.

“Biz həm də yan sənayeni inkişaf etdirmək niyyətindəyik. Bu isə avtomobillərin qiymətlərinin 10-12% ucuzlaşmasına səbəb olacaq. İyunun 20-dən etibarən avtomobillərin ehtiyat hissələrinin satışına başlanacaq. Növbəti bazar ertəsindən isə Badamdar, Babək və Ziya Bünyadov prospektlərində yerləşən satış mərkəzlərində avtomobillərin satışı başlanılacaq”.