Temur Abazov İmirin arxeoloji abidəsinə baş çəkən zaman jurnalistlərin suallarını cavablandırır. Foto: şəxsi arxiv / facebook

“Marneuli rayonunun rəhbəri Temur Abazov rayon sakini Elçin Allahverdiyevə qarşı qeyri-insani və alçaldıcı hərəkətinə görə saxlanılıb. Onu 5 ildən 10 ilədək həbs gözləyir”. APA xəbər verir ki, bu barədə Gürcüstan Baş Prokurorluğunun Kvemo Kartli bölgəsi üzrə idarəsində keçirilmiş brifinqdə bildirilib.

Həmin faktla bağlı deputat Azər Süleymanov, Marneuli sakrebulosunun üzvü Ramin Allahverdiyev və T. Abazovun qohumu E.Q. adlı şəxsin adı istintaq materiallarında keçir. İttiham sübut olunacağı təqdirdə, onları 2 il müddətinə azadlıqdan məhrumetmə cəzası gözləyir. Artıq Baş Prokurorluq A. Süleymanova qarşı ittiham irəli sürülməsi ilə bağlı qərar qəbul edib.

“Açıq Azərbaycan” yazır ki, Temur Abazovun həbsinin səbəbi onun və Gürcü Arzusu Partiyasının rəhbəri Bidzina İvanaşvilinin həyat yoldaşlarını söyən vətəndaşa qarşı nalayiq hərəkətlərin edilməsi və bunların videoya çəkilməsi olub.

Tbilisi meri, “Gürcü Arzusu”nun liderlərindən biri olan Kaxa Kaladze onun həbsinə münasibət bildirib. O deyib ki, T. Abazovun saxlanılmasını mətbuatdan öyrənib.

Mer hesab edir ki, qanunu pozanlar ciddi şəkildə cavab verməlidirlər: “Nə baş verdiyini aydınlaşdıra bilməmişəm. Lakin qanunu pozan “Gürcü Arzusu”nun üzvü və ya tərəfdarı olsa belə, o, ədalət qarşısında cavab verməlidir. Bizim üçün əsas qanunun aliliyidir”.

Şərhini yaz

Şərhinizi yazın
Adınızı daxil edin