Təkbaşına aksiya keçirən AXCP fəalı 10 sutka həbs edilib

Füzuli Hüseynov 2017-ci ildə keçirdiyi təkbaşına aksiyadan sonra saxlanılaraq məhkəməyə gətirilir. Foto: şəxsi arxiv / facebook / AXCP gənclər təşkilatı

AXCP fəalı Füzuli Hüseynov REAL Partiyasının sədri, həbsdə olan İlqar Məmmədovun doğum günü münasibətilə iyunun 14-də Bakıda Nizami küçəsində təkbaşına aksiya keçirdiyinə görə saxlanılıb.

Turan yazır ki, təxminən bir gün yarım polis onun saxlandığı yer barədə məlumat verməyib. 15 iyunda axşam məlum olub ki, o, 10 sutka həbs olunub və Biləcəridə inzibati həbs olunanların saxlanma məntəqəsindədir.

  • Bu, F. Hüseynovun ilk təkbaşına aksiyası deyil. Bundan əvvəl də eyni motivli aksiya keçirərək siyasi məhbuslara azadlıq tələb edib.

  • 2017-ci ilin oktyabrında müxalifətin mitinqində iştirak etdiyi üçün 30 sutka həbs olunub.

Şərhini yaz

Şərhinizi yazın
Adınızı daxil edin