Imişli mərkəzi xəstəxanasından. Foto: şəxsi arxiv / facebook

İmişli rayonunda pambıq sahəsində kütləvi zəhərlənmə baş verib. Rayon prokurorluğu məlumatı Turan İnformasiya Agentliyinə təsdiqləsə də zəhərlənənlərin sayı barədə dəqiq məlumat yoxdur.

AzərTAc dövlət agentliyi zəhərlənənlərin sayının 80-ə yaxın olduğunu deyir. Bəzi mənbələr isə onların sayının 100-ə çatdığını bildirir.

İmişli rayon xəstəxanasının baş həkimi Cəsur Paşayevin APA-ya deyib ki, bu gün səhər saatlarında 35 nəfərə qədər şəxs xəstəxanaya müraciət edib: “Onların bir çoxu panik vəziyyətdə bizə müraciət ediblər, sadəcə, zəhərlənə biləcəklərindən qorxublar. Hazırda müraciət edənlərin əksəriyyəti evə yola salınıb. Hazırda palatalarda bir neçə xəstə var. Onların da heç birində ciddi zəhərlənmə əlaməti yoxdur”.

Rayonun icra başçısı Vilyam Hacıyev isə ərazidə dərman preparatları vurulmadığını deyib. Onun sözlərinə görə, yaxınlıqdakı sahə dərmanlanıb və küləyin təsirindən digər sahədə işləyənlər baş gicəllənmə və ürəkbulanma hiss edib.

Şərhini yaz

Şərhinizi yazın
Adınızı daxil edin