Azərbaycanda vətəndaş cəmiyyəti fəalları Lerik rayonunda azyaşlının zorlanma hadisəsi ilə bağlı müraciət imzalayıb. Müraciət ölkə başçısı İlham Əliyevə, daxili işlər nazirinə, baş prokurora, Ailə, Qadın və Uşaq Problemləri üzrə Dövlət Komitəsinin sədrinə, ombudsmana, xarici dövlətlərin Azərbaycan Respublikasındakı səfirliklərinə və Beynəlxalq publik təşkilatların Azərbaycan Respublikasında fəaliyyət göstərən nümayəndəliklərinə ünvanlanıb.
Fəallar tələb edir ki:
İnsidentin qurbanı olan uşaq ailənin himayəsindən alınsın və dövlətin
himayəsinə verilsin. Dövlətin himayəsində ləyaqətli şəkildə onun saxlanılması təmin edilsin.
Qurban olan uşağa müvafiq psixoloji yardım göstərilsin;
Uşağı zorladığı iddia edilən şəxs və ya şəxslər və onu zorla evləndirmək istəyən şəxs və şəxslər ədalət mühakiməsinə cəlb edilsin. Hadisəni gizlətməyə imkan verilməsin.
Azərbaycan dövlət qurumlarından üç gün ərzində məsələ ilə bağlı görülən işlər barədə məlumatın verilməsi istənsin.
https://www.facebook.com/notes/nijat-mammadbayli/lerik-hadis%C9%99si-il%C9%99-ba%C4%9Fli-m%C3%BCraci%C9%99t-imzalayin-l%C3%BCtf%C9%99n/10157349884042316/
