Bulent Tezcan mətbuat qarşısında açıqlama verir. Foto: screenshot

Cümhuriyyət Xalq Partiyasının (CHP) sözcüsü Bülent Tezcan partiyanın sayılan səslərlə bağlı əldə etdiyi ən son məlumatları açıqlayıb. B.Tezcan bildirib ki, partiyanın sisteminə daxil olan məlumatlara görə ümumilikdə 180 min 556 seçki qutusundan cəmi 71 min 666-ı, yəni 39%-i sayılıb. Partiyanın müşahidəçilərinin verdiyi məlumata görə prezidentliyə namizədlərin topladıqları səs faizləri aşağıdakı kimidir:

  • Rəcəb Tayyib Ərdoğan – 51.77%

  • Muharrem İncə – 33.65%

  • Meral Akşener – 8.89%

  • Səlahəddin Dəmirtaş – 4.60%

  • Temel Karamollaoğlu – 0.88%

  • Doğu Perincek – 0.21%

Partiyanın sözcüsü onu da vurğulayıb ki, hələ seçki qutularının 110 minə yaxını sayılmayıb. O, prezident seçkilərinin ikinci tura qalacağını proqnozlaşdırır.

İyunun 24-də Türkiyədə növbədənkənar parlament və prezident seçkiləri keçirilir. Seçkidə yenidən namizəd olan hazırkı prezident Rəcəb Tayyib Ərdoğanın əsas rəqibi Muharrem İncə hesab olunur. Eyni zamanda terrorçuluqda ittiham olunaraq həbs olunan Səlahəddin Dəmirtaş da həbsxanadan seçki marafonuna qatılıb.

Şərhini yaz

Şərhinizi yazın
Adınızı daxil edin