Səudiyyə Ərəbistanda qadınların maşın sürmək qadağası bu gündən etibarən ləğv olunub. “Independent” yazır ki, ölkədə qadınlara maşın sürməyi qadağan edən yazılı qanun olmasa da adətən dini fətvalar və social təzyiq qadınları həmişə bu azadlıqdan məhrum edib. Amma bazar günü qüvvəyə minən kral fərmanı bunu dəyişdirəcək.
Bu qərar ölkənin bir çox əyalətləri üçün inqilabi dəyişiklik hesab olunur.
Eyni zamanda maşın sürmək qadağasının ləğvi həyatları ataları, ərləri və oğulları tərəfindən idarə olunan qadınlar üçün də çox simvolikdir.
Bu kral fərmanı krallığın böyük sosial və iqtisadi dəyişikliklər ilə bağlı geniş miqyaslı planı olan “Vision 2030”un bir parçasıdır.
