Türkiyədə seçkilər – Saat 11:00-a bilməli olduqların

Bu gün Türkiyədə növbədənkənar prezident və parlament seçkiləri keçirilir. Hazırkı prezident Rəcəb Tayyib Ərdoğanın əsas rəqibi Cumhuriyyət Xalq Partiyasının namizədi Muharrəm İncə hesab edilir.

Xalqların Demokratik Partiyasından namizəd Səlahəttin Dəmirtaşın həyat yoldaşı seçkidə iştirak edərək səs verib. Səlahəttin Dəmirtaş hazırda həbsdədir. O, terrorçuluq fəaliyyətində ittiham edilərək həbs edilib.

Seçki ilə bağlı qanun pozuntuları barədə yüzlərlə tweet-lər atılıb. Əsas qanun pozuntusu möhürlü bülletenlərin olmasıdır.

Başqasının yerinə səs vermə halları da var.

HDP-dən olan nəzarətçilərə qarşı AKP-dən (Ədalət və İnkişaf Partiyası) olanlar təzyiq göstərir.

Diyarbakırda seçki məntəqəsinə möhürlü büllüten soxmağa çalışan 3 nəfərə imkan verilməyib. 100-ə yaxın bülleten olduğu bildirilir.

Qanun pozuntuları İstanbulda da qeydə alınıb.

Muharrəm İncə isə paylaşımında səslərə sahib çıxılmalı olduğunu yazıb.

AKP nəzarətçiləri müşahidəçilərin seçki məntəqələrinə girməsinə icazə vermir.

Urfada isə müxalifət partiyalarının müşahidəçilərinə maneələr yaradılır.

Vanda da eyni problemlər var.

Şərhini yaz

Şərhinizi yazın
Adınızı daxil edin