Ali Məhkəmə bloger Mehman Hüseynovun kassasiya şikayətinə baxıb. Bloger özü iştirak etməyib. Məhkəmə Hüseynovu həbsdə saxlayıb.
Nə baş vermişdi: Mehman Hüseynov 2017-ci ilin yanvarında Bakının mərkəzində oğurlandıqdan sonra polisdə işgəncəyə məruz qaldığını deyib. Buna cavab olaraq Nəsimi Rayon Polis İdarəsinin rəhbəri Musa Musayev böhtanla bağlı iddia qaldırıb.
Nəticə: 2017-ci ilin martın 3-də Suraxanı Rayon Məhkəməsi M.Hüseynovu böhtanda (CM-in 147.2-ci maddəsi) təqsirli bilərək iki il azadlıqdan məhrum edib. Bloger ittihamı qəbul etmir və həbsinin səbəbini çəkdiyi video bloglarla izah edir.
İndi nə olacaq: Müdafiə tərəfi Avropa İnsan Hüquqları Məhkəməsinə müraciət edəcək.
