Azərbaycan prezidenti İlham Əliyev ötən gün Azərbaycan ordusunun yaradılmasının 100 illiyi münasibətilə təşkil olunan paradda çıxış edib. Nitqində həmişə kimi prezident Azərbaycan Xalq Cümhuriyyətinin yaranması və süqutundan, müstəqilliyi qoruyub saxlamağın onu əldə etməkdən çətin olduğundan və Azərbaycanın 90-cı illərin əvvəllərindəki iqtisadi-siyasi vəziyyətindən danışıb.
İlham Əliyev Silahlı Qüvvələrin yaradılmasının 95-ci ildönümü münasibətilə keçirilən hərbi paradda çıxış edir. Foto: president.az
Prezidentin nitqinin cəmi 1 abzasında dediyi fikirlərin fakt yoxlamasını təqdim edirik.
“Bu gün Azərbaycan ordusu dünyanın güclü orduları sırasındadır”.
Qismən doğrudur
“Globalfirepower” hərbi güc indeksinə görə Azərbaycan ordusunun gücünə görə 136 ölkə içində 53-cü yerdədir. Qonşu ölkələrdən Ermənistan bu reytinq cədvəlində 84-cü, Gürcüstan isə 82-ci yerdədir. Dünyanın ən güclü 5 ordusu isə aşağıdakı ölkələrin ordusu hesab olunur: Amerika, Rusiya, Çin, Hindistan və Fransa.
“Bütün aparıcı beynəlxalq təşkilatların reytinqlərində Azərbaycan ən qabaqcıl yerlərdədir.”
Doğru deyil
“Freedoom House” təşkilatı 2018-ci ildə yaydığı hesabatda Azərbaycanı azad olmayan ölkə hesab edib. Ermənistan və Gürcüstan isə az azad ölkələr sırasında yer alıb.
Digər nüfuzlu təşkilat “Sərhədsiz Reportyorlar” Azərbaycanı 179 ölkə içində 163-cü yerdə görüb və azad olmayan ölkə hesab edib. Reytinq cədvəlində Azərbaycan Livan, İran, Özbəkistan, Burundi və Türkiyə ilə yanaşıdır. Təşkilatın siyahısında Ermənistan 80-ci, Gürcüstan isə 61-ci yerdədir.
“İnkişafda olan ölkələrin arasında Azərbaycan inkişafına görə dünya miqyasında üçüncü yerdədir”.
Doğrudur
İlk 3-lükdə Latviya, Macarıstan və Azərbaycandır. Ermənistan – 45 Gürcüstan – 32
“Biz öz hesabımıza yaşayırıq, heç bir yerdən yardım almırıq. Buna ehtiyac da yoxdur”.
Doğru deyil
Maliyyə Nazirliyinin rəqəmləri isə fərqli şeylər deyir. Nazirliyin 2018-ci il in fevralınd ayaydığı açıqlamada qeyd olunur ki, Azərbaycanın milyard dollara yaxın (təxminən 16 milyard manat) xarici borcu var. 2017-ci ilin yanvarında isə xarici dövlət borcu 12 milyard 241 milyondan artıq (6 milyard 913,2 milyon ABŞ dolları) idi. İllik müqayisədə xarici dövlət borcu 4 milyard manata qədər artıb.
