Foto: Murad Orucov / sputnik

1 iyuldan metropoliten qatarlarının hərəkət qrafikində dəyişikliklər ediləcək.

Yay qrafikinə uyğun olaraq, xəttə əvvəlkinə nisbətən az sayda qatar buraxılacaq.

Nə baş verəcək: “Həzi Aslanov” stansiyasından “28 May” stansiyasına qədər və əks istiqamətdə hərəkət edən qatarlar arasındakı fasilə, qış dövründə olduğu kimi, 2 yox, 2,5 dəqiqə olacaq. Sərnişinlərin az olduğu səhər və axşam saatlarında interval 3 dəqiqə və daha çox olacaq.

“28 May” stansiyasında yol, “İçərişəhər” və “Dərnəgül” stansiyalarına doğru olmaqla, 2 istiqamətə ayrıldığına görə, həmin istiqamətlərdə qatarlararası intervallar iki dəfə böyüməklə, gur vaxtlarında 5, başqa vaxtlarda 6 dəqiqə və daha çox olacaq.